減肥呢個字，已是不少人的 "職業"
我寫得出, 就自然係我的 "職業" 之一
~~~~~~~~~~~~~~~~~~~~~~~~~~~~~~~~~~~~~~~~~~~~~~
減肥方法種類多，如:-
做運動減肥
節食減肥
食藥減肥
做機（美容機）減肥
蛋白質減肥法
等等
我自己試過:-
食藥，節食，做運動
對我嚟講，最有效的都係： 做運動減肥 配 小心飲食
節食：食少咗係真係瘦咗，但一為食返咪肥返上去囉
我試過食易ｘ纖，纖ｘ健，纖ｘ草，但效果不大
我試過一星期做 gym 做足 15 至 20 小時 （當時，有得玩＋減壓，做得好狂，兩個月減咗 1x 磅，身型望落去似 120磅），食的嘢少咗，之後為食返，食多咗好多嘢，但肥極都未及減肥前咁肥咁重
但 up to now，對我最有效反而係：
１）留意自己食咩
不單止食咩落肚咁簡單，而係0個樣嘢的煮法，同埋如果係一啲加工食品，例如腐竹等，要知個原材料係咩，同點整）
再者，加工食物通常落咗好多 chemicals，鹽同埋油，尤其是係啲即食產品或速食產品， 所以，要減少進食加工食品至會易啲減
２）唔好因為自己減肥而一刀切所有肥膩嘢／會致肥的嘢唔食
因為，明明想食但一啖都唔可以俾自己食，其實好慘，同會容易放棄，只要慢慢減少進食呢啲致肥食品就 ｏｋ （我會食雪糕，食零食，但，留意自己食咗幾多落肚，同埋唔好俾自己食得次數過密）
３）唔好戒食澱粉質
人的身體主要能量來源係 澱粉質 同 脂肪，日常飲食，脂肪一定會食到落肚，所以先至會話，小啲油，健康啲
要減肥唔好食澱粉質落肚，呢個一定大把人講，因為有好多人用咗蛋白質減肥法，三日唔食澱粉質，食完，一食返澱粉質，即肥，所以一味話 "澱粉質係 致肥 元兇"
Well........呢個其實係一個謬誤........
唔食澱粉質，係逼自己的身體用儲喺肌肉的醣原，同埋脂肪，但一食返澱粉質，因為肌肉試過用晒所有醣原，所以一食返澱粉質，就即刻儲返多啲醣原，留返嚟下次 "主人" 再玩 "消耗醣原減肥法"，而令到肌肉因為儲多咗醣原而漲大咗，咁因為肌肉大咗，視覺上個人肥咗，而俾人覺得，澱粉質係致肥元兇
反而，當自己靠食澱粉質填肚，會發覺，其實人係會食少咗餸，如果 keep 到肉類的份量唔多，菜多，因為澱粉質同菜的能量相比同份量的肉少，靠食飯同菜填肚食少啲肉，就自然卡路里攝取量會較低 （不過，老話一句，灼菜唔落油，比用油炒菜健康）
４）運動
有人話，運動減肥會 大脾粗 同 小腿變象腿，但其實係講緊你點 train 舊 muscle 啫，最有效的消脂方法係強化肌肉去促進新陳代謝，同埋，１公斤的肌肉同１公斤的脂肪的 size 大約係 １：５，試諗下，重量不變，但將一公斤的脂肪重量變咗一公斤的肌肉重量，個 size 一定係瘦咗，咁的話，無害吖
不過，做運動，唔係出到汗就得，要留意自己的動作有冇錯，冇錯都有機會整傷自己，有錯的話，整傷自己的機率更大，唔好以為，做運動就一定 no problem
仲有的係，減肥唔好集中睇重量，反而要留意 bmi 係唔係 keep 喺正常範圍
５）唔好只嚷著要減肥但唔節制食嘢唔做運動
人的新陳代謝由 25歲後開始走下坡，雖然食量不變食物不變，但人越大，新陳代謝減慢，就等同於食多咗啲卡路里，試想下，3500kcal = 1磅，每日食多咗 500kcal，一星期就已經食多咗 3500kcal，即係一磅，雖然當人肥咗，新陳代謝係會稍為提高，但繼續係咁落去，雖然一年咁食法唔會暴漲至重咗 52磅，但都唔會 冇重過反而輕咗囉............
6） 卡路里攝取要足夠
如第5項講，3500kcal = 1磅，咁如果每日食得1000kcal或更少落肚咪一定唔會肥囉…………
Well..................................................
識人，一日只食三餐，早午兩餐只食 麥皮（只落水，唔落糖唔落奶），晚餐食飯，魚，菜，都係少油，有做運動，但減唔到肥…………但飛咗去台灣旅行，狂掃街唔節制，冇做運動，竟然比飛之前輕
原因係，食物的卡路里攝取過低，身體會減慢新陳代謝，而令到攝取的卡路里足以應付一日所需 + 儲起一啲 以免 唔夠energy
試問咁的情況下，食得少，但用得仲少兼且身體要儲到 energy，想瘦都難啦
要瘦，唔正確了解自己身體做緊啲咩，又點會瘦得安全，瘦得健康吖
留言列表
